شعر جميل جدااااااااااا للغاليه مصر

يا مصر لو أخلّص عـمري



عــلـشـان أبـيـنـلـك حــبـي



أنا عمري ما أقدر يا حبيبة



لو ألف عمر يكـون جـنبي



* * *



لــكـــن ح أغـنـــيـلـــك غــنـــوة



وف كل حـتـة ح أقول حـكـايـات



وح أسـمـع الـمـلايـيـن صــوتـــي



وح أقول عليكي حاجات وحاجات



* * *



إسكـندريـة عـروس الـبـحـر



والمرسي أبو العباس عرفوه



وان حـد سألـك فـي جـمـالها



على طـول تـقـول أيـوه أيـوه



* * *


مطروح مصايف وشماسي



والجـو فـيـها متـسـألـنـيـش



وان قـلـت فـيـها كـلام ياما



كلامي يخـلـص ميـكـفـيش



* * *


منـصورة تتعـب فـي جـمالها



واسـأل عــلـيـها الأخ لـويـس



فـكّـرهـا ســـهـلــة أتــاريــهـا



شرحت في فن الحرب دروس



* * *


وبحيرة يا زارعه الأصناف



والزرع فيكي مالوهـش مثيل



وزعـت خـيـرك يـا حـبـيـبـة



والحـسبـة مـن غـيـرك بتميل



* * *


أقصرنا خـلـوها مـحافـظة



مكـانـتـها مـعـروفة يا عالم



وان كنت جاهل راح أقولك



فـيـها تـلـت أثـارات العـالـم



* * *


الجـبـنـة دمـياطي ودوقـها



والعــفــش كـلـه دمـيـاطـي



وان كنت مش فاهم قوللي



طب أمتى تفـهـم يا معـاطـي



* * *


السـمـسمـيـة بــنــسـمـعـــهـا



نقول دي الاسماعيلية يا بيه



وفـريـقـها والعـصافير واحد



عصفور كناريه اسم الله عليه



* * *


غـربـية يا بـلـد الـبـدوي



وسعـد زغـلول والنـجار



بلد البرادعي وقرضاوي



والحصري مقرئنا الجبار



* * *


سـوهاج دي بلدي ومعروفة



مـن يـوم مـا وحـدنا القطرين



ومــيــنـا مــــنـهـا ورفـاعــة



طـب فـيـن تـلاقي زيـها فـين



* * *

ومهما قلـنا على جـمالها



المنيا دي عــروسة نيلنا



ومنها طـه حـسـين يـابـا



ورموز كتير سبقت جيلنا



* * *

أســوان تـروحه تـتـطبب



بلـد جــمـيـل مــيـه المـيـه



تروح عليل ترجـع فرحان



يا سلام في عـز الشـتـويـة



* * *

يا سويس يا صامدة يا أبيّه



يا ضاربة درس لكل جبان



بينتي ميـن هـو المـصـري



بـيـنـتي انـه عـظـيـم فـنـان



* * *

قــنـا ديه أرض الأبـنـودي



ويا أرض أحمس وجدوده



دا النـيـل بـيـمشي ويـتعايق



وحَـدَاكي غَــيّر مـن عـوده



* * *


ودي بور سعيد وأبو العربي



الـلـي عـلـيـها تـقـول وتـقـول



وفـريقـها مـصـري وفـنارها



معـروف وياما تقـال مـواويل



* * *

أسيـوط بلد عـبـد الناصر



والمنـفلـوطي عـارفـيـنـه



حافظ ابراهيم ويا سباعي



أدبـاء كـبار الله يـصـونـه



* * *

البـحر الأحـمـر يـا جـمـاله



والغـردقــة حـلـوة جـمـيلة



وان كـنـت عــاوز تـتـمـتـع



على طول تروح ويا العيلة



* * *

والجـيزة فـيـها الأهـرامات



والهـول مـعـاها بـيـحرسها



خواجات بتيجي بتستغرب



والـدنـيـا كلــهـا تـعــرفــها



* * *

يا أهل الكرم ردوا عليا



احمد عرابي يا شرقـية



الكل يـشـهـد بأصالـتـك



وبالكــرم والـــوطـنـية



* * *

والقاهــرة رمـز بلـدنا



بلد الحسين ويا الأزهر



رمز الأصالة ومكانها



ومهما أقول هي الأكبر

الله
فعلا رائع للغاية
مش عارفة اوصفه بصراحة
جزاكى الله كل الخير يا حبيبتى

شكرا لمرورك
يا سوسو يا عسل
نورتينى

موضوعك بجد تحفة والنشيد رووعة
دة من ابداعك يا عسل ؟؟؟؟؟؟؟؟
اصلة روووعة

الله الله عليكى

ايه الجمال ده كله

شكرا لمروركم نورتونى

ماشاء الله
جميل جدا
سلمت يمناك
ودمتى مبدعه

شكرا لمرورك يا قمر

شكرا لمرورك يا قمر